എന്നാല്‍ കഴിഞ്ഞ രണ്ടുവര്‍ഷം കൊണ്ട്‌ 700 മില്യണിലധികം ഉപയോക്‌താക്കളെ സ്വന്തമാക്കിയ ഫേസ്‌ബുക്ക്‌ ഗൂഗിളിന്‌ കനത്തവെല്ലുവിളിയായി മാറിക്കഴിഞ്ഞു. ഇന്റര്‍നെറ്റില്‍ ഏറ്റവുമധികം സ്വാധീനമുള്ള സൗഹൃദകൂട്ടായ്‌മയായി ഫേസ്‌ബുക്ക്‌ മാറിയിട്ടുണ്ട്‌. അതുകൊണ്ടുതന്നെയാണ്‌ 2011ല്‍ ഇന്ത്യയിലെ ഗൂഗിള്‍ സെര്‍ച്ചില്‍ ഒന്നാമതെത്താന്‍ ഫേസ്‌ബുക്കിന്‌ സാധിച്ചത്‌. ഈ വര്‍ഷം ഒട്ടേറെ പരിഷ്‌ക്കാരങ്ങള്‍ക്കും മുഖംമിനുക്കലുകള്‍ക്കും വിധേയമായ ഗൂഗിള്‍ സേവനങ്ങളായ യൂട്യൂബും ജി-മെയിലുമാണ്‌ രണ്ടും മൂന്നും സ്ഥാനങ്ങളില്‍.
ഗൂഗിളിന്റെ മറ്റൊരു എതിരാളിയായ യാഹൂ മെയില്‍ ആണ്‌ നാലാം സ്ഥാനത്ത്‌. അഞ്ചാമത്‌ ഗൂഗിളും ആറാമത്‌ യാഹൂവുമാണ്‌. ഓണ്‍ലൈന്‍ റെയില്‍വേ ടിക്കറ്റ്‌ റിസര്‍വേഷന്‍ വെബ്‌സൈറ്റായ ഐആര്‍സിടിസി ഏഴാമതും ഇന്ത്യന്‍ ഇ-മെയില്‍ സേവനമായ റെഡിഫ്‌മെയില്‍ എട്ടാമതുമാണ്‌. ഇന്ത്യയിലെ ഏറ്റവും വലിയ പൊതുമേഖലാ സ്ഥാപനമായ ഇന്ത്യന്‍ റെയില്‍വേയാണ്‌ ഗൂഗിള്‍ സെര്‍ച്ച്‌ പട്ടികയില്‍ ഒമ്പതാമതെത്തിയത്‌. ഇന്റര്‍നെറ്റില്‍ ഏറ്റവും വലിയ സൗജന്യ എസ്‌ എം എസ്‌ സേവനദാതാക്കളായ വേടുഎസ്‌എംഎസ്‌ എന്ന സൈറ്റാണ്‌ ഈ പട്ടികയില്‍ പത്താമതെത്തിയത്‌.
0 comments