ഇനിയുമൊരു വിവാഹം കഴിക്കണമെന്ന ആഗ്രഹം സന്തോഷ് പണ്ഡിറ്റിനുണ്ട്. അത് പല അഭിമുഖങ്ങളിലും തുറന്നുപറഞ്ഞതോടെ സന്തോഷിന് ഇപ്പോള്‍ കല്യാണാലോചനകളുടെ കാലമാണെന്നും പറയാം.
“വിവാഹം കഴിഞ്ഞിട്ട്‌ അഞ്ചാറ്‌ വര്‍ഷമായി. ഒരു മകനുണ്ട്. മകനിപ്പോള്‍ അവന്‍റെ അമ്മയുടെ കൂടെയാണ്‌. രണ്ടു പേരും ഒരുമിച്ചാണ്‌ വിവാഹ മോചനത്തിന്‌ കോടതിയെ സമീപിച്ചത്‌. അത് പ്രകാരം വിവാഹ മോചനം നേടി” - സന്തോഷ് പണ്ഡിറ്റ് മനോരമയ്ക്ക് അനുവദിച്ച അഭിമുഖത്തില്‍ പറയുന്നു.
“വീട്ടില്‍ ഇപ്പോള്‍ എല്ലാം ഞാന്‍ ഒറ്റയ്ക്ക്‌ ചെയ്യേണ്ടുന്ന അവസ്ഥയാണ്‌. അതാണെന്‍റെ പ്രധാന പ്രശ്നം. അടിച്ചുവാരല്‍, കക്കൂസ്‌ കഴുകല്‍ തുടങ്ങി എല്ലാം. നല്ല ഭക്ഷണം ഉണ്ടാക്കല്‍ ഒന്നും അത്ര എളുപ്പമല്ല.” - സന്തോഷ് പണ്ഡിറ്റ് തന്‍റെ ഏകാന്തതയുടെ ഭീകരാവസ്ഥ വ്യക്തമാക്കുന്നു.
ഇറിഗേഷന്‍ വകുപ്പില്‍ ഓവര്‍സിയറായ സന്തോഷ് പണ്ഡിറ്റ് കഴിഞ്ഞ അഞ്ചുവര്‍ഷമായി അവധിയിലാണ്. സിനിമയില്‍ തിരക്കായതോടെ വി ആര്‍ എസ്‌ എടുത്താലോ എന്ന്‌ ആലോചിക്കുകയാണ് സന്തോഷ്.
കടപ്പാട് - റിപ്പോര്‍ട്ടര്‍ ടി വി
0 comments